Os caminhos do meu pais

Hoje vou falar de música.
De música ravaleira, coma a cotio, mas trambém de música do meu pequeno e amado pais, A Galiza.
A Galiza é um pequeno pais que fica perdido no cabo do mundo. Aproando sua costa cara o oceano, deixando que o mar entre em ela, e se passeie por entre os bosques e os outeiros de suas rias.
A diferença entre Barcelona e a Galiza, é essencialmente geográfica.
Barcelona fica numha encrucilhada de caminhos e de roteiros.
A Galiza fica soa, fronte ao mar Atlántico e sua furia, perdida entre bosques e névoas, sem mais vizinhos afins em lingua, e em cultura, que os irmãos portugueses de além Minho.

Bom, pois a pesares de ficar tão ilhada, os romanos imperiais, coma todos os impérios, chegaram até meu pais na procura de suas riqueças, como fazem os impérios actuais com outros paises também expoliados.

A Galiza, vinham na procura do ouro do leito dos nossos rios. A os paises de hoje, vão na procura do "ouro negro" . Sempre o ouro, seja da color que seja.

Na viagem e consequente conquista, os romanos iam traçando vias para se comunicarem e trafegar com as mercadorias.

Umha destas vias, que unia Braccara Augusta-Braga- com Cale- O Porto- Brigantium-A Corunha - e Lucus-Lugo, era a via "Per Loca Maritima".

Pois bem, utilizando o nome dessa via, como caminho de união da Galiza entre si e com o resto do mundo, um grupo de artistas ravaleiros e galegos, tentarom levar adiante um trabalho que fosse laço de união entre as múltiples músicas mestiças de ambos dous territórios.

Apoiados pola web de música galega Komunikando , juntaram-se 26 grupos, bandas e intérpretes e tiraram um trabalho chamado assim

A Per Loca.

Um trabalho cuidado, mesmo na apresentação, que conta com música de grupos argentinos, galegos, catalães, galegos remexidos e mesturados com andaluces, ou catalães, ou bascos, ou criados em França, que para esso somos um povo de emigração, tudo numha explossão de ritmos e músicas de coloridos diferentes.
Fala-se de muitas cousas, mas como os temas são muitos:

01 Avante Per Loca I
02 Banda Potenkin - Kalindra xida
03 Pulpiño Viascón - Meu amor
04 SOAK - A verbena do eucalipto
05 Safari Orquestra - Distancia
06 Zënzar - O Padriño
07 A Matraca Perversa - Il mondo va Benne
08 Dandy Fever - Ti estarás
09 Skacha - A ferro e lume
10 A Compañia do Ruido - Asentonoventa
11 Eclectica Emsamble - A fia
12 Avante Per Loca II
13 Presencia Zero - Definete
14 Che Sudaka - Cortáronche as ás
15 Skarnio - Raiba
16 La Pegatina - O camareiro
17 Fanny + Alexander - Lene
18 Piratas Urbanos - Galiza
19 GalegoZ - Nom quero ir fóra
20 Manu Chao - Contra o mundo
21 NonResidentz - Mistermundo
22 Os 3 Trebóns - Santa Liberdade
23 Festicultores Troupe - A cabra makabra
24 Lamatumbá - Desertor
25 Rumborrachera - Neno tesoira
26 Cuchufellos - Psilocibes

vou ir falando cada dia dum par deles, para que os conheçades melhor.

E hoje, vou começar por dous: Um galego, e um catalã.

Lamatumbá, é um grupo ourensã.


Citando a sua apresentação na web de komunikando:

"LAMATUMBÁ, patroneados polo espíritu de Cuco de Velle, é unha das propostas máis frescas e irreverentes do actual panorama musical galego. Unha mestura orixinal de reggae, samba, rumba e rock que sorprende polo seu carácter propio. Dende 1998 o seu nome é sinónimo de festa alí por onde pasa. Ese ano prodúcese o seu debut artístico no mítico O Moucho de Ourense e colaboran na Feira das Mentiras, festival organizado por Manu Chao en Santiago de Compostela… a partir de ahí milleiros de persoas xa puideron navegar en directo a bordo deste barco que se move sen fin por un océano de lume e de soles. Pero esta historia aínda ten moitos capítulos por escribir. Quedan aínda lugares cara onde moverse e músicas por visitar.

LAMATUMBÁ demóstrao con LUME (para que saia o sol) un disco sincero e moi persoal que arrecende a mares tropicais e a rías galegas. Que desprende o aroma dun día de festa maior, cando sonan as charangas, aló polo lusco e fusco… …mozos e vellos… rapaces e rapazas… a festa vai comezar… lume!!!"

Aquí vos deixo um videoclip de apresentação e a canção do A Per Loca.






Rumborrachera, são umha banda de Badalona, um dos rapazes, filho de galegos.
Também cito sua apresentação nas páginas do ApoloGhit:

"Rumborrachera chegan desde Badalona para poñerlles rumba catalá, rock e ska ás noites estivais. Cun fillo de galegos nas súas filas, e coa axuda de Nacho Jarbanzo Neghro na produción "O neno tesoira" é a canción que aportan ao compilatorio "A Per Loca" e un éxito seguro en calquera sesión vermú."

Deixo-vos também um video e a sua canção do disco.
Espero que o disfrutedes.




Amanhã, mais.